CURSO DE INNOVACIÓN AKADEMIA USC (EDICIÓN 2018-2019)

Do 17 de setembro de 2018 ao 25 de xaneiro de 2019

En Akademia coñecerás as tendencias de innovación que xerarán valor no noso futuro inmediato. Durante o curso 2018-2019 e a partir dun material e unha metodoloxía diferentes, coñecerás unha nova forma de afrontar retos, traballar en equipo e desenvolver un proxecto innovador.

Akademia ofrece:

Unha plataforma online de formación onde atoparás todo o material, os mellores casos de innovación e unha forma orixinal de interactuar coa túa formación
Unha metodoloxía innovadora. Por cada tendencia que estudemos, terás a oportunidade de asistir a unha clase presencial cun experto do noso claustro e participarás en encontros con emprendedores españois
Xente diferente. Entrarás en contacto con alumnado de perfís, titulacións e idades distintos.
A oportunidade de desenvolver un proxecto sobre unha idea innovadora cos teus compañeiros. Traballaredes en equipos multidisciplinares co gallo de crear un prototipo, utilizando a metodoloxía que empregan as grandes empresas e start-up para a creación das súas ideas. Defenderedes o voso prototipo ao final do curso ante un xurado formado por emprendedores, potenciais inversores e expertos do claustro. O equipo gañador obterá un premio para poder facer realidade o seu proxecto.
Posibilidade de realizar prácticas en empresas colaboradoras ao finalizar o curso.